МагъчIваялъе рес

Такъсир гьабиялда щаклъи бугезул гIагарлъиялъул пикет


ПатIимат Пираева, полициялъуласул эбел.

МахIачхъалаялда бугеб Авартеатралда цебе пикет тIобитIана 24 июлалда. Такъсиразулъ жинда щаклъи бугев полициядъулав МухIамад Пираевасул гIагарлъиялъ гьабуна гьеб тадбир.

Гъизилюрт мухъалъул жанисел ишазул идараялда хIалтIулев вукIаго Пираевас «чIегIерал инкассаторазухъа» гIарац бахъанилан, рикIкIунеб буго цIе[-рехалъ. Амма полициялъуласул эбел ПатIимат Пираевалъ бицана Эркенлъи радиоялъе, жиндир вас Гъизилюрталъул ОВД-ялъул нухмалъулев АсгIабгIали Заирбековасда тIаса гIарзаби хъвазе тIамулев вугин цIех-рех чагIазилан.

Инкассаторазухъа гIарац бахъулел Пираевгун цадахъ МахIачхъалаялдаса Гъазияв Жамалудиновги ГIабдулмуслим МухIамадовги рукIанилан, абуна Эркенлъи радиоялъе ЦIех-рехалъул комитеталда. Амма гьезул гIагарлъиялъ абулеб буго, такъсир гьабун батани – тамихI гьабеян.

ПатIимат Пираевалъ бицана «Эркенлъи» радияолъе жиндир вас Дагъистан тун Карачаево-Черкесиялда вачун анилан.


please wait

No media source currently available

0:00 0:00:46 0:00
Интернет-мухъ


Пираевалъ абуралда рекъон адвокатал ричалел гьечIо такъсиразулъ жинда щаклъи бугесухъе.

please wait

No media source currently available

0:00 0:01:21 0:00
Интернет-мухъ



Пираевалъ гьединго бицана жанисел ишазул нухмалъулев хисулев Алексей Салютин вачIун вуго МухIамад Пираевасухъеилан. Гъизилюрталъул ОВДеялъул нухмалъулев ГIалиасхIаб Заирбековасда тIаса гIарза хъвазе тIамулев вукIун вуго Салютиница Пираев, илан абуна «Эркенлъи» радияолъе полициялъуласул эбелалъ.


please wait

No media source currently available

0:00 0:00:43 0:00
Интернет-мухъ


Гъазияв Жамалудиновасул эбел Мадина Мусаевалъ бицана «Эркенлъи» радияолъе, жиндир васасе гIакъубаби кьолел ругин, гьесухъе адвокатал ричалел гьечIин.


please wait

No media source currently available

0:00 0:00:40 0:00
Интернет-мухъ



24 июлалда пикет гьабуразда ракIалде буго 26 июлалдаги гьебго тадбир гьабизе. Гьез абулеб буго, республикаялъул нухмалъиялда жидер унтабазул-гIузрабазул баянал щвезегIан гьоркьоса къотIичIого пикеталгун-митингал гьаризе ругин.
XS
SM
MD
LG