МагъчIваялъе рес

ХIизбуллагь – чIегIераб сияхIалде гъорлъе жубан буго


Евроцолъиялъул къватIисел ишазул министрабаз къотIи гьабуна ХIизбуллагь абулеб Ливаналъул шиитазул радикалияб багъа-бачариялъул квегIаб гьаркьел террористикиял гIуцIабазул чIегIераб сияхIалде гъорлъе жубазе.

Гьанжеялдаса рехсараб гIуцIиялъул рахъ ккуразда кIвеларо Европаялдаса гIарцул кумек гьабизе.

Араб анкьида Ливаналъул хIукуматалъ Брюсселалде ахIи бана гьадинаб къотIи гьабунгутIиялде, ХIизбуллагь абулеб багъа-бачари Ливаналъул жамагIаталъул кIвар цIикIараб бутIалъун кколебин абун.
XS
SM
MD
LG