МагъчIваялъе рес

Юсафсайие бокьун буго ясазе лъай кьезе


Пакистаналъул цІалдохъан Малала Юсафзайица лъазабуна, жиндие бокьун гьечІин талибазе чІвазе къваригІун йикІарай ясилан жинде абулеб букІинеян. Гьелъие бокьун буго гьей жиндирго ихтияразухъ кьеркьолей яс хІисабалда лъалей йикІине.

16 сон барай Малалаца гьедин лъазабуна Нью Йоркалда Цолъарал миллатазул гІуцІиялъул пакистаналъул вакиллъиялда къабул гьаюлеб мехалда. Кьоялъ цебе гьей цее яхъана Цолъарал миллатазул гІуцІиялъул ГІолилазул Ассамблеяялда.

Гьелъ лъазабуна жиндие бокьун бугин ясазе лъай кьеялъе ресал чІезариялъухъ кьеркьезейин. Гьелъулго рагІабазда, талибаз ва цогидал радикалиял къокъабаз лъай кьеялъул кІвар гІадахъ босулеб гьечІо.

Цебесеб соналъул октябралда талибаз хІалбихьун букІана гьей чІвазе. ЗахІматаб лъукъиялда хадуб гьей сах гьаюна Британиялда.
XS
SM
MD
LG