МагъчIваялъе рес

ТIадегIанаб диванханаялъ Ставрополъул школазда хIижабал гьукъана


Россиялъул ТIадегIанаб диванханаялъ чIезабуна Ставрополь ракьалъул хIукуматалъ регионалъул школазда хIижабал гьукъизе гьабураб хIукму битIараб бугин. Гьедин лъазабуна 10 июлалда «Интерфаксалъ». Гьедин диванханаялъ нахъ чIван буго адвокат Мусаев Мурадица бакIалъул диваналъул хIукмуялда тIасан хъвараб гIарза. Ставрополалъул хIукуматалъ школазда хIижабал ретIизе гьукъун ва киназего цоккураб школ-ретIел чIезабун букIана 2012 соналда. Гьеб киналъего гIиллалъун ккун букIана цо школалъул директоралъ хIижабалгун чанго ясалъе школалде рачIине гьукъи ва ясазул улбуз ахIи-хIур багъаризаби.
XS
SM
MD
LG