МагъчIваялъе рес

Царнаевасда тIад диваналъул процесс байбихьула 10 июлалда


Вацал Царнаевал
Америкаялда 10 июлалда байбихьизе буго Царнаев Жовгьарида тIад диваналъул процесс. Гьесда гIунтIизабулеб буго Бостоналда марафоналъул заманаялда теракт гьабиялъул, пасалъи гьабулеб ярагъ хIалтIизабиялъул ва ункъго чи чIваялъул гIайиб. Гьев гIайиб бугевлъун лъазабуни, гьев чIвазе яги гIумруялъго жанив тIамизе хIукму къотIизе рес буго. Теракт гьабиялда щаклъи бугев Жовгьарил кIудияв вац Тамерлан чIван вукIана полициялъулгун ккараб кьвагьа-гIанхъиялда. 15 апрелалда Бостоналъул марафоналъул финишалда гьабураб кIиго кьвагьиялъул хIасилалда хун вукIана лъабго ва лъукъун вукIана 260-ялдаса цIикIкIун чи. Ункъабилев чи-полицияв чIван вукIана 19 апрелалда вацал Царнаевал кколаго.
XS
SM
MD
LG