"ЧΙегΙераб" статистика: анцΙила анкьабилев

«Новое дело» газеталъул журналист АхΙмаднаби АхΙмаднабиев лъугьана, гьесул пиша цояз абухъего, нахъаса гурони тΙадекΙанцΙизе бажаруларел, хΙакъикъаталде бадире балагьизе хΙинкъулел чагΙазул 17-билев къурбанлъун Дагъистаналда. 9 июлалда журналистасул чΙваялъ рахΙат хвезабурал гΙадамаз МахΙачхъалаялда тΙобитΙана цо-цояз абухъего «РакΙбакъваялъул марш». Хадуб гьесул жаназа битΙана гьесул гΙагараб росо КΙкΙаратΙаялде.