МагъчIваялъе рес

ГIелмабазул Академиялъул реформаялъул суал


Россиялъул Пачалихъияб Думаялъул ГIелмиял суалазул рахъалъан Комитеталъ ракIкIарун руго Россиялъул ГIелмабазул Академиялъул реформа гьабиялда хурхараб проекталде гъорлъе журалел хиса-басиял.

ГIаммаб къадаралда анцI-анцI гьадинаб хиса-баси щун буго депутатазухъа, гIалимзабазухъа ва батIи-батIиял жамгIиялгун гIелмиял гIуцIабазухъа.

Гьезул гIемерисезул хIисабалда ГIелмабазул Академиялъул гьанжесеб статус хисичIого тезе ккола.

Араб анкьида хIукуматалъ гьоркьоб лъураб проекталда рекъон Россиялъул ГIелмияб, Росдал магIишаталъул ва Медицинияб Академиял цолъизаризе ккола.

Гьел идарабазул мал-мулкги, гьездаса ратIалъизарурал институтал ва лабораториял кьезе ккола хасаб пачалихъияб агентлъиялъе.

Гьеб реформаялда разилъи гьечIел гIалимзабаз абулеб буго гьаб проект къабул гьабуни Россиялъул гIелму тIагIине бегьулин.
XS
SM
MD
LG