МагъчIваялъе рес

ГIадилгерей чIваралъухъ Резановасе кьун буго 15 сон


Дагъистаналъул жанисел ишазул министрлъун вукIарав МухIамадтIагьиров ГIадилгерей чIваралъухъ туснахъалъул 15 сон кьун буго Андрей Резановасе. Гьединаб хIукму къотIана талат къоялда Шималияб Кавказалъул икълималъул рагъулаб диванханаялъ. Гьединго гьев махIрум гьавун вуго «лейтенант» абураб цIаралдасаги. Гьеб хIукму къотIилалде цебе Резанов мукIурлъун вукIана такъсир гьабиялъе.
Гьеб такъсир гьесда тадкъан букIун буго ХIажидадаев Ибрагьимица нухмалъи гьабулеб букIараб такъсирчагIазул гIуцIараб къукъаялъ.Гьез Резановасе такъсир гьабуралъухъ цо миллионгун 500 азарго гъурущ кьезеги бицун букIун буго.
2009 соналъул 5 июналда Болъихъ чIей гьабураб аскаразул ракетазулгун-артиллериялъул бутIаялъул нухмалъулесул кумекчилъун вукIарав Резановас МухIамадтIагьиров ва цадахъ рукIарал чIван руго гьеб бутIаялдаса босараб хасаб тункIица.
Дагьаб цебе гьесул кумекчилъун вукIарав прапорщик Дмитрий Долгихие кьун букIана туснахъалъул анлъго сон.
XS
SM
MD
LG