МагъчIваялъе рес

Пакистаналда чlварал альпинистал кисаяли лъан буго


Пакистаналъул нухмалъиялъ лъазабулеб буго альпинистазул мархьиялде тIадекIанцIи гьабураб мехалда чIварав 10 чи киса вукIаравали.
Гьезул лъабгояв Украиналдаса, кIи-кIи чи Китаялдаса ва Словакиялдаса ва цо-цо чи Америкаялдаса, Литваялдаса ва Непалалдаса вукIун вуго. ТIадекIанцIиялъул жавабчилъи тIаде босун буго «Джундуллагь» абулеб тIалибазулгун бухьен бугеб къукъаялъ. Альпинистазул халкъаздагьоркьосеб мархьиялде тIадекIанцIи гьабун букIана 23 июналъул сардилъ Гилгит-Балтистан абулеб бакIалда.
XS
SM
MD
LG