МагъчIваялъе рес

Киргизстаналда НАТОялъул транзиталъул центр къалеб буго


«Манас» абураб Бишкекалъул аэропорталъул территориялда бугеб НАТОялъул транзиталъул центр къаялъул болжал чΙезабун буго Киргистаналъул парламенталъ.

Гьеб суалалда сверун кьурал гьаркьазда рекъон, Транзиталъул центр ижараялъе босиялда хурхараб Цолъарал штатаздаги Киргистаналдаги гьоркьоб къотΙи-къаялъул заман лъугΙине рагΙула 20Ι4 соналъул ΙΙ июлалда.

Гьелъул хΙакъалъулъ лъазабулеб буго гьеб улкаялда ругел нижер радиоялъул журналистаз.

Къануналда рекъон, Киргистаналъул нухмалъиялъ Цолъарал штатазда официалияб къагΙидаялда лъазабизе ккола гьеб къалеб букΙиналъул хΙакъалъулъ Ι80 къоялъ цебе.

Парламенталъул хΙукму къуваталде бачΙине ккани, гьеб гъулбасизе ккола улкаялъул президентас.

НАТОялъул транзиталъул централъ ресал кьолел руго Афгъанистаналда бугеб халкъазда гьоркьосеб коалициялъул рагъул къуватазе юк баччизе.

Гьеб централда хъулухъ гьабулев вуго азаргогΙанав солдатасги офицерасги. Гьениб гьединго буго америкаялъул цΙатари баччулеб чанго аэропланги.
XS
SM
MD
LG