МагъчIваялъе рес

G8 саммиталъул кΙиабилеб къоялда


Шималияб Ирландиялъул Лох-Эрн шагьаралда кΙиабилеб къоялъ тΙобитΙулеб «кΙудияб микьилабалъул» самммиталда улкабазул лидераз лъазабуна, дунялалъул экономика цебетΙеялъул перспективаби божилъи гьечΙел ругин, Цолъарал штатаз, Евроцолъиялъул улкабаз ва Япониялъ хΙаракат бахъун, рецессиялъул хΙинкъиялъул даража гΙодобе ккезабун букΙанигиян.

Саммиталъул гΙахьалчагΙазул лъазабиялда абулеб буго, еврозонаялда гьабсагΙатги экономикиял проблемаби хутΙулел ругин, Цолъарал штатазда экономикияб цебетΙей халат бахъунеб бугин, гьелъул жанисеб налъиялъул даража гΙодобе унеб бугин. Амма улкаялъе къваригΙун ругин инвестициялин.

Форумалъул цогидаб централияб тема ккола Сириялъул конфликт. Гьеб суал гьоркьоб лъураб гара-чΙвари букΙана саммиталъул кулуаразда россиялъул ва америкаялъул президентал Владимир Путинидаги Барак Обамадаги гьоркьоб.

Сириялъул суал гуребги, гьез борхизабуна Кореялъул бащдабчΙинкΙиллъиялда бугеб ахΙвал-хΙалалъул суалги.
XS
SM
MD
LG