МагъчIваялъе рес

Ираналъул цIивищарав президентасда дунялалъ баркулеб буго


Ираналъул гIадамаз кIодо гьабулеб буго РухIанил бергьенлъи. Июнь15, 2013.
Ираналъул тIадегIанав цевехъан аятоллагь ГIали Хаменеица ХIасан РухIанида президентасул рищиязда бергьенлъи баркана. Гьес гьединго Ираналъул халкъалъе баркала кьуна гьаркьал кьеялъул тадбиралда гIахьаллъи гьабурадухъ.

КIудияб Британиялъул къватIисел ишазул министерлъиялъ цIивищарав президентасде ахIи бана «цIияб нух кквеялде».

Франциялъул къватIисел ишазул министр Лоран Фабиусица лъазабуна, Париж хIадураб бугин РухIанигун цадахъ рекъон хIалтIизе, хасго Ираналъул атомияб программаялда бан.

Сириялъул оппозициялъги загьирабуна жиндирго лъазаби. Гьелъ ахIи бана Башар Асадил низамалде квербакъулеб букIараб Ираналъул цебесеб тIалъиялъ гьарурал гъалатIал ритIизариялде.

Израилалъул премьер-министр Биньямин Нетаньягьуца халкъаздагьоркьосеб жамагIаталде ахIи бана Ираналъул атомияб программаялде гьабулеб тIадецуй гьоркьоса къотIичIого халат бахъинабиялде.

30 соналъ цебе Ирангун дипломатикиял бухьенал къотIарал Цолъарал Штатазул тIадтараз абулеб буго, жидеца Ираналъул рищиязул хIасилалъул хIурмат гьабулеб бугин.
XS
SM
MD
LG