МагъчIваялъе рес

Амиров кквеялда тIасан гIарза хъван буго гьесул адвокатаз


Russia - Mayor of Makhachkala Said Amirov speaks at his office in Makhachkala April 25, 2013.
МахIачхъалаялъул мэрасул адвокатаз аппеляционияб гIарза хъван буго гьев жанив тIамиялда тIасан. Гьедин лъазабуна гьесул адвокат Марк Рутерица. ГIарзаялда абулеб буго сахлъиялъул рахъ цIакъ загIипав Амиров гIадав чи гьединал квешал шартIазда жанив тIамизе бегьуларин.
Амировасда гIунтIизарулел руго Такъсиралъухъ тамихI гьабиялъул кодексалъул «цебесеб цIех-рех гьабулев чиясул гIумруялъе хIинкъи гьаби» ва «къануналде данде кколареб куцалда ярагъ бича-хиси» абураб кIиго бутIаялдаялда рекъон гIайибал.
Адвокатаз лъазабуна жинда гIунтIизарулел гIайибазул протоколалда гъоркь гъулбас лъезе инкар гьабунин гьесин.
ЦIех-рехчагIаз рикIкIунеб буго цIех-рехчи ХIажибегов Арсен чIвазе буюри кьурав чи вугин Амировин.
СагIид Амиров ккун вукIана 1 июналда. МахIачхъалаялъул мэрлъун гьев вукIана 15 соналъ. Чанго нухалда гьев чIвазе къасд гьабун хадуб гьев инвалидлъун хутIун вуго.
XS
SM
MD
LG