МагъчIваялъе рес

Туркиялда хIукуматалде данде акциял


Стамбулалда протесталъул акция, 03Июн2013
Туркиялъул премьер-министр Ражаб Эрдогъаница улкаялъул халкъ ахIулеб буго провокациязде кIвар кьунгутIизе. Гьелъие гIиллалъун ккана улкаялда унел гIемерав чи гIахьаллъулел протесталъул акциял. АкциячагIаз тIалаб гьабулеб буго Эрдогъан хъулухъалдаса нахъе ин. АнцI-анцI азарго чи гIахьаллъарал митингал тIоритIулел руго рузман къоялдаса нахъе Стамбулалда, Анкараялда ва цоги шагьаразда. Лъазабулеб букIана полициялъ демонстрантазде данде магIу бачIинабулеб газ ва лъим речIчIулел машинаби хIалтIизариялъул ва хIатта рагъулал гулби кьвагьиялъул.
Кинабго байбихьун буго Таксим майданалда аскIоб-сверухъ ругел гъутIби къотIулел рукIиналде данде гIадамал рахъиналдасан ва хадусан гьеб кинабго сверун буго хIукуматалде данде акциялде.
ГьатIан къоялъул сардилъги халат рахъунел рукIана гьел акциял.
XS
SM
MD
LG