МагъчIваялъе рес

Максим Кац нахъе лъугьана оппозициялъул гΙуцΙиялдаса


Москва мухъалъул муниципалияв депутат Максим Кац нахъе лъугьана Россиялъул оппозициялъул координациялъул мажлисалдаса. Гьелъул хΙакъалъулъ гьес лъазабуна жиндирго блогалда.

ЭР-лъе интервью кьолаго, гьес лъазабуна, Координациялъул мажлисалда гΙемерлъун ругин «структуриял проблемабийин». Гьел хурхарал ругин гΙуцΙиялде рищиялъул ситемаялдайин.

Кацил пикруялда, Координциялъул мажлисалде гъорлъе ккун руго мажлисалде гъорлъе унезул аслияб бутΙаялде данде ккун, жидер мурадал, рилъанхъизарулел къагΙидаби ва бербалагьи цогидал гΙахьалчагΙи. Гьезул рахъ кколелеб аудиторияги батΙияб бугин, жубалеб буго гьес.

Кацици рикΙкΙунеб буго, гьеб мажлис биххизабун, цΙиял, киназего баянал ва чΙван къотΙарал рищиял тΙоритΙизе кколин.
XS
SM
MD
LG