Ираналъул тохалчагIазул Шураялъ президенлъиялде кандидатазул хIасилаб сияхI гIуцIун буго. Талат къоялъ гьеб сияхIалдасан нахъе рахъун рукIана Ираналъул вукIарав президент Акбар Хашеми Рафсанджанил ва гьанжесев президент МахIмуд АхIмадинежадица квербакъи гьабулев Эсфандияр Машайел цIарал.
Экспертазул пикруялда бергьине бищун кIудияб рес буго консерваторазул. Хасго гъозие квер бакъи гьабулеб буго Ираналъул тIадегIанав рухIанияв аятоллагь ГIали Хаменеица.