Официалияб баяналда рекъон, гьенив хун вуго лъабго чи. Байбихьуда абулеб букIана хваразул къадар микьго чи вугин. Амма гьеб бакIалде ракIарарал чагIаз бицунеб букIана 15 чи ватIалъун вугин гIумруялдаса.
17 чи хъамун вуго жанисел ишазул министерлъиялъул медсанчасталде. Лъукъарав 20 чи вачIун вуго МахIачхъалаялъул тIоцебесеб азарханаялде. Гьедин бицана гьеб азарханаялъул бетIерав тохтур хисулев Анвар ГIабдулаевас.
Анвар ГIабдулаев: «КIиго жаназа бачIана гьанибе. Лъабабилевги цIакъго захIматаб хIалалда вуго – ботIрол нах къватIибе чваххулеб буго. Божилъи гьечIо гьесда. Аслияб куцалда руго цIорол, маххул, арматураялъул кескал, магIал чорхолъ къан лъугьарал ругънал.
Гьел гIадамал жиндир заманалда щвезарун руго азарханаялде, гьезул талихIалъ. Нижги гIемерисел гьанир хIалтIуда рукIана. Лъукъаразда гъорлъ гIемерисел руго низам цIунулел хIалтIухъаби. ГIадатиял чагIи дагь руго».
Журналистазухъе щвараб мукъсанабго информациялда рекъон, гьеб бакIалда кьвагьи ккарабго гьенире ракIарун руго гIезегIан гIадамал. Цинги бахъун буго кIиабилебги кьвагьи.
Гьедин цIикIкIун чиясе къварилъиги ккун буго.
Дагъистаналда гIадатлъун лъугьун буго цо бакIалда кIи-кIи кьвагьи бахъинабулеб.
БукIаниги гIадамал жеги ругьунлъун гьечIин жидеего цIодорлъи гьабизеян рази гьечIоан низам цIунулел. Гьедин лъимергун цадахъ кьвагьи ккарлъуе екерун ячIарай цо гIаданалде нахъе аян ахIдоолел рукIун руго полициялъулал. Амма гьезухъ гIенккун гьечIо гьечIо.
Цинги цо заманалда маххул кесекги горбода щун хун йиго. Гьелда цадахъ букIараб лъимер азарханаялде хъамун буго.
Теракт ккана диванханаялъул приставал (служба судебных приставов) абураб хъулухъалъул минаялда цебе. Кьвагьулеб алат лъун букIун буго гьениб цебе чIезабураб автомобилалъул тIинда.
КIиабилеб кьвагьи тIоцебеселдаса къуватаб букIун буго. Гьезда гьоркьоб ун буго I5-20 минут.
Кьвагьи ккараб бакI 100-200 метраялъул манзилалда сверун къан буго. Хасго журналистал риччалел рукIинчIо гьенире. Америкаялъул ССN каналалдаса журналист Ник Патонихъа видеокамераги бахъана полициялъ.
Официалияб куцалда жеги лъазабичIо гьеб теракт гьабиялъе гIилла. Амма гIадамаз жидедаго гьоркьоб бицунеб буго диванханаялъул приставазул нухмалъулев ТIалхIат Амировасда хурхун гьабураб акт батилилан.
Гьев ккола МахIачхъала шагьаралъул мэрасул вас.
17 чи хъамун вуго жанисел ишазул министерлъиялъул медсанчасталде. Лъукъарав 20 чи вачIун вуго МахIачхъалаялъул тIоцебесеб азарханаялде. Гьедин бицана гьеб азарханаялъул бетIерав тохтур хисулев Анвар ГIабдулаевас.
Анвар ГIабдулаев: «КIиго жаназа бачIана гьанибе. Лъабабилевги цIакъго захIматаб хIалалда вуго – ботIрол нах къватIибе чваххулеб буго. Божилъи гьечIо гьесда. Аслияб куцалда руго цIорол, маххул, арматураялъул кескал, магIал чорхолъ къан лъугьарал ругънал.
Гьел гIадамал жиндир заманалда щвезарун руго азарханаялде, гьезул талихIалъ. Нижги гIемерисел гьанир хIалтIуда рукIана. Лъукъаразда гъорлъ гIемерисел руго низам цIунулел хIалтIухъаби. ГIадатиял чагIи дагь руго».
Журналистазухъе щвараб мукъсанабго информациялда рекъон, гьеб бакIалда кьвагьи ккарабго гьенире ракIарун руго гIезегIан гIадамал. Цинги бахъун буго кIиабилебги кьвагьи.
Гьедин цIикIкIун чиясе къварилъиги ккун буго.
Дагъистаналда гIадатлъун лъугьун буго цо бакIалда кIи-кIи кьвагьи бахъинабулеб.
БукIаниги гIадамал жеги ругьунлъун гьечIин жидеего цIодорлъи гьабизеян рази гьечIоан низам цIунулел. Гьедин лъимергун цадахъ кьвагьи ккарлъуе екерун ячIарай цо гIаданалде нахъе аян ахIдоолел рукIун руго полициялъулал. Амма гьезухъ гIенккун гьечIо гьечIо.
Цинги цо заманалда маххул кесекги горбода щун хун йиго. Гьелда цадахъ букIараб лъимер азарханаялде хъамун буго.
Теракт ккана диванханаялъул приставал (служба судебных приставов) абураб хъулухъалъул минаялда цебе. Кьвагьулеб алат лъун букIун буго гьениб цебе чIезабураб автомобилалъул тIинда.
КIиабилеб кьвагьи тIоцебеселдаса къуватаб букIун буго. Гьезда гьоркьоб ун буго I5-20 минут.
Кьвагьи ккараб бакI 100-200 метраялъул манзилалда сверун къан буго. Хасго журналистал риччалел рукIинчIо гьенире. Америкаялъул ССN каналалдаса журналист Ник Патонихъа видеокамераги бахъана полициялъ.
Официалияб куцалда жеги лъазабичIо гьеб теракт гьабиялъе гIилла. Амма гIадамаз жидедаго гьоркьоб бицунеб буго диванханаялъул приставазул нухмалъулев ТIалхIат Амировасда хурхун гьабураб акт батилилан.
Гьев ккола МахIачхъала шагьаралъул мэрасул вас.
