Чачанлъи минабаздаса бацIцIад гьабулеб буго

Россиялъул улка цIуниялъул министерлъиялъул инженералгун-саперазул батальоналъ исана I апрелалдаса I5 маялде щвезегIан киналниги кьвагьулел алатаздаса бацIцIад гьабун буго Чачанлъиялъул лъабго мухъалъул ракьул 240 гектар. Гьедин лъазабулеб буго республикаялъул рагъулаб комендатураялъ. Гьезулго баяназда рекъон, исана сон лъугIилалде минабаздаса бацIцIал гьабизе буго I500-гIан гектар. Цебе лъазабулеб букIана 20I3 соналда минабаздаса 700 гектар бацIцIад гьабизе бугин.
20I2 соналъул марталдаса ноябралде щвезегIан саперазда гьениб батун ва тIагIинабун буго 3300-гIан кьвагьулеб алат.