МагъчIваялъе рес

Россия-Америка: жасусазул скандал


Москваялъ Вашингтоналъе лъазабулеб буго протест Америкалъул дипломатас россиялъул хасал хъулухъазул хIалтIухъан жидеего хIалтIизе мукIур гьавизе гIамал гьабуралъухъ.
Гьединаб магIнаялъул нота кьун букIана арбагI къоялда Россиялъул къватIисел ишазул министерлъиялъ Москваялда вугев Америкалъул вакил Майкл Макфолихъе. Гьес гьеб ситуациялъе кинаб букIаниги комментарий кьечIо.
Цебесеб къоялъ Москваялъ "персона нон-грата" вугин лъазабун вукIана Америкалъул вакиллъиялъул лъабабилев секретарь Райан Фогл. Гьев Россиялдаса нахъе ине ккола.
Фогл ккун вукIана Москваялда талат къоялъул къаси, ФСБялъ абухъе, Россиялъул хасал хъулухъазул хIалтIухъан жидеего хIалтIизе мукIур гьавулеб мехалда. Гьесухъ ратун руго парикалги, гIемераб гIарацги, компасги, картабиги цогидабги.
Америкалъул ЦРУялъул аукIарав хIалтIухъан Питер Бруксица кIудияб щаклъи загьир гьабулеб буго гьеб информациялда. CNN-налъе кьураб интервьюялда гьес абуна америкалъул цониги гьединаб цIех-рехалъул хъулухъалъул хIалтIухъанас жиндего данде хIалтIизабизе бегьулеб гьединаб «арсенал» цадахъ босуларин.
XS
SM
MD
LG