МагъчIваялъе рес

Москваялда ккун вукIана Америкалъул вакиллъиялъул хIалтIухъан


Россиялъ ккун вукIана Америкалъул вакиллъиялъул хIалтIухъан. Гьелъие гIиллалъун ккун букIана Америкалъул цIех-рехалъул хасал хъулухъазе ай ЦРУ ялъе хIалтIизе гIурус офицер мукIур гьавизе гьес хIалбихьулеб букIин. Россиялъул ХIинкъигьечIолъи цIуниялда сверун федералияб хъулухъалъ лъазабуна Райан Кристофер Фогл абулев чи ккун вукIанин цо сордоялъ ва хадуб Америкалъул вакиллъиялъухъе нахъе кьун вукIанин. Россиялъул гражданал жидеего жасуслъи гьабизе тIамизе малъулел инструкциялги, хасал техникиял алаталги, гIемераб гIарацги ва цогидабги батанин гьесухъин лъазабулеб буго Россиялъул рахъалъ. Гьелда бан Россиялъул къватIисел ишазул минстерлъиялде ахIун вукIана америкалъул вакил Майкл Макфол.
XS
SM
MD
LG