МагъчIваялъе рес

Туркиялда кьвагьиязда гIахьаллъиялда щаклъи букIун ккун вуго 9 чи


Рейханлы шагьаралда, 11Maй2013
Туркиялъул Рейханлы шагьаралда араб шамат къоялда гьабураб кIиго кьвагьиялъулъ гIахьаллъиялда щаклъи букIун ккун вуго 9 чи.
Вице-премьер Башир Аталайил рагIабазда рекъон, ккурал киналго руго туркиялъул гражданал. Щаклъи буго Сириялъул президент Башар Асадил режимгун гьезул бухьен букIиналда.
Сириялъул информациялъул министр Омран Зубица нахъ чIвалеб буго Рейханлыялда рукIарал терактазулъ Дамаскалъул гIахьаллъи бугин абулеб ва лъазабулеб буго гьел гIайибал гъоркь кьучI гьечIел ругин.
Сириялъулгун гIорхъода бугеб Туркиялъул шагьаралда минаби жанир рукIараб кIиго автомашина кьвагьизабиялъул хIасилалда хун вуго 46 чи, лъукъун вуго нусгогIан.
Туркиялъул къватIисел ишазул министр АхIмад Давутоглуца лъазабуна гьанже дунялалъул жамгIияталъе заман щун бугин Асадиде данде кколел тадбирал тIоритIизейин.
XS
SM
MD
LG