МагъчIваялъе рес

Экс-диктаторасе кьун буго туснахъалъул 80 сон


Геноцидалъул ва инсанияталде данде такъсирал гьариялъул гІайибал гІунтІизарун туснахъалъул 80 сон бихьизабун буго диваналъ гватемалаялъул экс-диктатор Риос Монттие. Геноцидалъул гІайиб гІунтІизабун пачалихъалъул вукІарав бетІерасе жиндирго улкаялда жаниб тамихІ гьабиялъул тІоцебесеб хІужа ккола гьеб.

Улкаялъул тахшагьар Гватемалаялда тІобитІараб диваналъ 86 сон барав Монтт гІайибиявлъун рикІкІана 1960-96 соназ тІобитІараб гражданияб рагъалъул заманалда гьенир кьалбал ругеб индейцазул кІудияб бутІа гъуриялъе, гьазаб кьеялъе ва гьезда бан вахІшияб хьвда-чІвади билъанхъизабиялъе.

1978 - 1983 соназда Монттил нухмалъиялда гъоркь гватемалаялъул рагъулаз тагІинаруна майял наслуялъул индейцазул 250 азаргоялде гІунтІун чи.

Монттица нухмалъи тІасса рехун улкаялда чІезабун букІана рагъулаб диктатура 1982-1983 соназ. Гьеб заман рикІкІунеб буго гражданияб рагъалъул бищунго вахІшияб заманлъун.
XS
SM
MD
LG