МагъчIваялъе рес

Бангладешалда чΙватΙелазда гъоркь ятана чΙагояй чΙужугΙадан


Бангладешалда Дакка шагьаралда аскΙоб 17 къоялъ цебе биххараб фабрикаялъул минаялъул чΙватΙелазда гъоркь ятун йиго чΙагояй чΙужугΙадан. ХвасарчагΙаз нахъ тΙамичΙого чΙезабун буго техникаялъул хΙалтΙи ва кверзаца хΙалтΙи гьабун тΙаде яхъана балагьалде ккарай чΙужугΙадан. Гьей азарханаялде щвезаюна.

Гьелда цебе Бангладешалъул нухъмалъиялъ лъазабун букΙана , трагедиялъул къурбаназул къадар азарго чиясдасаги тΙаде анин. Дунялалъул индустриялъул историялда гьеб авария лъугьана бищунго кΙудияблъун. Хвасар гьавун вуго кΙиазаралда щунусго чи.

ГьабсагΙатги лъалеб гьечΙо чан чи хутΙун вугевали чΙватΙелазда гъоркь.

24 апрелалда, авария ккараб мехалда щуго букъарулеб фабрика жаниб букΙараб 9-тΙалаялъул минаялда жанив вукΙун вуго лъабазаралда 500-ялдаса цΙикΙкΙун чи.
XS
SM
MD
LG