МагъчIваялъе рес

Викъун вуго пакистаналъул экс-премьерасул вас


Пакистаналда викъун вуго экс-премьер Юсуф Раза Гилданил вас. ГΙали ХΙайдар Гилани ккола Пенджаб провинциялъул къанунал рахъулеб ассамблеялъул депутатасул кандидат. Гьев вачун ун вуго яргъид гΙуцΙарал гΙадамаз Мултан шагьаралда унеб митингалдаса.

Эркенлъи радиоялъул хΙисаблда, улкаялда арбагΙ къоялъул сардикь викъун вуго щуго кандидат.

Хамис къоялда, ай, рищияздацебесеб кампаниялъул ахирисеб къоялда, баянлъун буго гьаркьал кьолеб мехалда терактал гьариялъул хΙинкъи букΙиналъул хΙакъалъулъ. Гьеб хъван рагΙула Рейтерс агентлъиялъухъе щвараб пакистаналъул талибазул лидер ХΙакимулла Мехсудил кагътида.

Кинабго халкъ гΙахьаллъарал рищиял Пакистаналда тΙоритΙизе планалда руго 11 маялда.
XS
SM
MD
LG