МагъчIваялъе рес

Хъыргъызстаналда америкалъул боржаро бортана


Хъыргъызстаналъул гIорхъолъа рорчIарал ахIвал-хIалазул министерлъиялъ дурус гьабуна Цолъарал Штатазул Рагъулал къуватазул юк бачунеб боржаро бортун бугин абураб хабар.

ЧIваразул ва лъукъаразул хIакъалъулъ жеги щибниги рагIулеб гьечIо.

Боржароялда вукIана экипажалъул щуго гIахьалчи. ГьабсагIат гьел рала-гъалагьулел руго.

Хъыргъизстаналъул тIадтараз лъазабухъе гьеб боржаро цин цIа рекIун цинги кьвагьана ва бортана Чалдовар абулеб росдал сверухълъиялда.

Ахирисеб лъазабиялда рекъон гьеб боржун унеб букIана Апгъанистаналде ва бачунеб букIана цIатариялъул цо чанго тонна.
XS
SM
MD
LG