МагъчIваялъе рес

Чернобылалъул катастрофалъе 27 сон


26 апрелалда тIубана 27 сон Чернобылалъул атомияб электростанциялда катастрофа ккаралдаса. 2012 соналдаса нахъе апрелалъул 26-билеб къо Россиялда лъазабун буго гьеб катастрофалда хIалтIарал ликвидаторазул хIурмат гьабиялъул ва гьенир хварал ракIалде щвезариялъул къолъун.
Гьенир хварал ракIалде щвезарулел рукIана Россиялда гуребги Украиналдаги Белоруссиялдаги.
Атомияб энергетика баккаралдаса нахъе бищунго кIудияб авариялъун рикIкIуна гьеб.
Гьенир хваразул къадар жеги чIезабизе кIун гьечIо, щайгурелъул радиациялъул асар щварал гIадамал батIи-батIиял регионазда ва батIи-батIияб заманалда холел рукIун.
Россиялда, Украиналда ва Белоруссиялда радиациялъ асар гьабулеб бакIалда гIумру гьабулеб букIана щуго миллионалдаса цIикIкIун чияс. Авариялъул хIасилазе ликвидация гьабулеб букIана 800 азарго чияс.
XS
SM
MD
LG