МагъчIваялъе рес

Рингалда кьолеб тарбия


Чачан республикаялъул бетIер Къадиров Рамзаница гIайиб ккарал жиндирго хъулухъхчагIазе тамихI гьабиялъул цIияб къагIида ургъун буго. Масала гьаб анкьалда гьес боксалъул рингалде ахIана спорталъул министр.

Республикаялъул спорталъул министр ИсмагIилов Саламбек Рамзан Къадировас гIайибиявлъун рикIкIана министерлъиялъул мина берцинаб гуреб куцалда тун букIиналда бан. Instagram абулеб социалияб сайталда суратал загьирарун, kadyrov_95 абураб цIар босарав юзерица лъазабуна жинца боксалъул рингалда тарбия кьеялъул тадбир гьабун бугин спорталъул министргун. http://instagram.com/p/Yap_G3CRhX/#

Гьеб къец-тамихIалда цебе букIараб данделъиялда Рамзан Къадировас чIван къотIун абуна спорталъул министерлъиялъул мина кIиго анкьида жаниб къачIазе кколин.

«Нижер диалогалъул заманалда, кваранаб рахъалъан хук абураб кьаби гьабун, дица гьесде бичIчIизабуна кин бетIер хIалтIизабизе кколебали. Добго къоялъул къаси мехалда министрас хехго байбихьана жиндирго галатIал ритIизаризе.

Хадуб Рамзан Къадировасул пресс-секретарь Альви Каримовас мухбирзабазде лъазабуна, гьаб хабар интернеталда тIибитIизабун бугин махсаро лъикIалан бичIчIулел гIадамазе гIоло.
XS
SM
MD
LG