МагъчIваялъе рес

Бостоналъул кьвагьияз багъаризабуна кΙудияб резонанс


Лъабго чи чΙварал ва 140-ялдаса цΙикΙкΙун чи лъукъарал бостоналъул кьвагьиязе хъачΙаб къимат кьуна улкабазул лидераз ва халкъазда гьоркьосел гΙуцΙиязул нухмалъулез. КΙиго кьвагьи бахъун буго гΙадатияб бостоналъул марафон тΙобитΙулеб мехалда финишалда аскΙобехун бугеб бакΙалда.

Цолъарала миллатазул гΙуцΙиялъул генералияв секретарь Па Ки Муница лъазабуна, гьеб зулмуялъул акт бугин цΙакъго вахΙшиябин, хасго тΙолабго дунялалъул гΙадамал цолъизарулеб тадбир унеб мехалда гьабун букΙиналъин.

Россиялъул президент Владимир Путиница абуна гьеб такъсир бугин жанаварлъиялъулин ва лъазабуна жиндир улка хΙадураб бугин цΙех-реххалъул тадбиразда америкаялъул бутΙрузе кумек гьабизеян.

Кьвагьиязул цΙех-рех гьабулеб буго ФБРалъул нухмалъиялда гъоркь.
Гьанжеги лъацаниги жавабчилъи босун гьечΙо тΙаде.

Цолъарал штатазул президент Барак Обамаца рагΙи кьуна кьвагьиял хΙадур гьарурал чагΙи ралагьизе ва жавабчилъиялде цΙазе.
XS
SM
MD
LG