МагъчIваялъе рес

ГΙиракъалъул чанго шагьаралда гьарун руго терактал


Итни къоялда гΙиракъалда чанго бакΙалда гьарурал кьвагьиязул хΙассилалда хвана батΙи-батΙиял баяназда рекъон 24-ялдаса 32-ялде щвезегΙан чи. Лъукъун вуго кΙинусгоялде гΙунтΙун чи.

Терактал гьарун руго Багъдадалда, Туз-Хурматоялда, Фалуджаялда, Киркукалда ва чанго цоги шагьаралда. Цо-цо бакΙазда кьвагьизарун руго бомбаби тΙад лъурал машинаби.

ТΙадекΙанцΙиязул жавабчилъи лъацаниги тΙаде босун гьечΙо. Амма, цебесеб хΙалбихьиялде балагьун абизе бегьула, гьединаб къагΙидаби хΙалтΙизарулил Аль-Каидаялъул гΙиракъалъул бутΙаялъин. Цо-цояз терактал хурхинарулел руго 20 апрелалда Ι8 провинциялдаса Ι2-ялда рукΙинесел бакΙалъулал рищиязда.
XS
SM
MD
LG