МагъчIваялъе рес

Гъоркьиса Пакистаналда чIван йиго 900 чIужугIадан


Пакистаналда араб соналда «рогьо чуризелъунин» абун чIвай йиго 900-ялдаса цIикIкIун чIужугIадан. Инсанасул ихтиярал цIуниялда сверун пакистаналъул лъидаго бачIеб Комиссиялъ рузман къоялда къватIибе кьураб докладалда абулеб буго чIварай 913 чIужугIаданалда гьоркьой 99-яй йикIанин жеги балугълъиялде яхинчIей ясин.
700-ялдаса цIикIкIун чIужугIадан чIван йиго зина гьабуралъухъ, 200-гIанай чIван йиго эбел-инсул разилъи гьечIого жидеего бокьарав чиясе росасе аралъухъ.
Рехсараб Комиссиялъул докладалда кIвар буссинабулеб буго руччаби цохIо бусурбабазул гурел хъизабаздаги чIвалел рукIиналде. Гьединал хIужаби тIатун руго христианазул ва индуистазул хъизаназдги. ЧIвалелги руччаби рукIун руго гIемерисеб нухалда гIагарал чагIаз.
Араб соналда жаниб Пакистаналда этникиял, диниял ва политикиял гIиллабазда бан чIван вуго кинабниги 8000-гIанасев чи. Гьедин лъазабулеб буго инсанасул ихтиярал цIунулезул докладалда.
XS
SM
MD
LG