МагъчIваялъе рес

Пхеньяналъ Вашингтоналъе хIинкъаби кьолел руго


Шималияб Кореялъ Америкалда лъазабун буго американиязде данде «гурхIел гьечIеб гьужум» гьабизе хIадурал ругин жидер аскаралин, гьелдаго цадахъ атомияб ярагъ хIалтIизабизегийин.
Хамиз къоялъ гьабураб лъазаби буго Вашингтоналъе ва Сеулалъе цереги кьун рукIарал гьединал хIинкъабазул ахирисеб. Шималияб Кореялъул Централияб телеграфалъул агентлъиялъ, рагъулаб нухмалъиялда мугъчIвайги гьабулаго лъазабулеб буго жидер аскараз гьанже бокьараб гьабизе рес бугин Цолъарал Штатазул агрессия чIезабиялъейин.
Гьелда цебе Пентагоналъ лъазабун букIана Гуам абулеб ракетабазде данде хIалтIизабулеб комплекс гьенибе щвезабизе рес букIиналъул.
Америкалъул улка цIуниялъул министр Чак Гьейгелица абуна Пхеньяналъ кьолел хIинкъаби Вашингтоналъ къабул гьарулел ругин улкаялъе ва Азиягун Парахатаб океаналда ругел жидер рахъ кколезе кьолел «хIакъал хIинкъабилъунин».
XS
SM
MD
LG