МагъчIваялъе рес

Коммерсант: чIваразда гъорлъ ХIажидадаев лъан вуго


ЦIех-рехчагIазда бажарун буго МахIачхъалаялда аскIоб бугеб Семендералда чIварал щал ругелали чIезабизе. Гьезул цояв ватун вуго «генусезул» абулеб яргъидгIуцIаразул къукъаялъул лидерлъун вукIарав ХIажидадаев Ибрагьим. Гьедин хъвалеб буго «Коммерсант» газетаялъ. Гьелдаго абухъе, медэкспертаз гьеб хIужа чIезабун буго биоматериалалдасан генетикияб анализги гьабун.
Жалго яргъидгIуцIараз гьеб баян уяблъун гьабулеб гьечIо. Семендералда хасаб операция рагIалде бахъарабго гьез лъазабулеб букIана ХIажидадаевасда гьениса лъутизе бажарун бугин.
20 марталъул радал Семендералда лъазабун букIана КТО-ялъул ай контртеррористияб операциялъул низам. Цин сверун ккун букIана Унсоколо мухъалъул мажлисалъул нухмалъулев МухIамадгIалиев МухIамадхIабибил рукъ, амма хадуб хал гьабизе байбихьун ва сверун ккун буго гьелдас аскIоб букIараб цоги рукъ. Хасаб операция халат бахъунеб букIана чанго къоялъ. 23 марталда гьениб батун букIана, ракIалде кковухъе, яргъидгIуцIаразул щуго жаназа. Гьединго гьеб операциялда чIван вукIана кIиго аскариявги.
XS
SM
MD
LG