МагъчIваялъе рес

Госдепалъул лъазаби ракΙалъе гΙолеб гьечΙо Москваялъе


Россиялда коммерциялъулал гурел гΙуцΙиязул хал-шал гьабулеб букΙиналда бан Вашингтоналъ загьир гьабулеб позиция ккола Цолъарал штатазул росссиялъул жанисеб политикаялде гъорлъе лъугьине бугеб хьулалъул нугΙлъи.

Гьединаб къимат кьолеб буго россиялъул КъватΙисел ишазул министерлъиялъул официалияв вакил Александр Лукашевичица россиялъул коммерциялъулал гурел гΙуцΙиязе Вашингтоналъ лъабабилел улкабаздасахун гΙарац чΙезабизе бугин абураб Цолъарал штатазул Пачалихъияб департаменталъул пресс-секретарь Виктория Нуландил лъазабиялъе.

Россиялъул дипломатас Нуландил лъазаби риккана провокациялъулаблъун. Лукашевичил лъазаби бахъун буго Россиялъул МИДалъул сайталда.

Россиялъул нухмалъиялъ лъазабулеб буго политикияб хΙаракатчилъиялде хурхун бугел къватΙисан гΙарац щолел гΙуцΙабазул хал-шал гьабулеб бугин «къватΙисел агентазулин» абулеб къануналда рекъонин.
XS
SM
MD
LG