Гендерил къукъаялъул бетIер чIван вугин рагIула

МахIачхъалаялъул сверухълъиялда бугеб Семендер абулеб бакIалда арбагI къоялъул къаси мехалда тIобитIараб хасаб операциялъул хIасилалда кIиго къеркьохъанасул жаназа батун буго.

Гьеб хасаб операциялъул хIасилалда чIван вуго цо полициялъулавги.

Официалияб баяналда рекъон чIварал къеркьохъаназда гъорлъ вугин Гендерил яргъид гIуцIараб къукъаялъул бетIер ХIажидадаев Ибрагьим.

Цебе гьес жинда тIад босун букIана Дагъистаналъул жанисел ишазул министр МухIамадтIагьиров ГIадилгерей чIваялъул гIайиб.