Бусурбабазул ва магърибалъул улкабаз къабул гьабуна руччабазде ва ясазде данде зулму гьабиялда данде къеркьеялъул Цолъарал Миллатазул ГIуцIиялъул декларация. Гьелда абулеб буго руччабазде ва ясазде данде зулму кинал рукIаниги «гIадатаз ва диниял тIалабаз» ритIухъ гьаризе кколарин. Рималъул католикияб килисаялъул, Ираналъул, Россиялъул ва цоги цо-цо улкабазул тIасан кIалъаял рукIаниги къабул гьабун буго гьеб декларация. «Вацал-бусурбаби» нухмалъиялда бугеб Мисриялъ рикIкIунеб буго гьеб декларациялъ «жамгIият биххизабизе» рес бугин. Кинабниги гьеб диалогалда гIахьаллъи гьабуна 190 улкаялъ.