Кабулалда батун буго цIакъ кIудияб бомба

Кабулалда афгъанистаналъул хасал хъулухъазда батун буго кьвагьулеб гучаб алат. Афгъанистаналъул хIинкъигьечIолъи цIуниялъул рахъалъ миллияб идараялъул вакил Шафигуллагь Тахирица рузман къоялда лъазубухъе, микьго тонна кьвагьулеб жоялъул жаниб лъураб бомба батун буго гьаб анкьалъул авалалда юк баччулеб автомашинаялда тIад. Гьеб чIезабун букIун буго Кабулалъул машрикъалъул рахъалда. Гьеб операция тIобитIулаго чIван вуго, ракIалде кковухъе, теракт гIуцIулел рукIаразул кIигояв ва жеги кIигояв кквезеги щун вуго.
Тахирица гьединго абуна гьединаб бомбаялда кIолин жинда сверун километргун бащдаб жанибе унеб бакIалда кинабго тIагIинабизейин. Гьесго бицухъе, теракт хIадурулеб букIун буго «Аль-КъагIидалъулгун» бухьен бугеб
«Хаккани» абулеб къукъаялъ ва Пакистаналда ругел тIалибаз.