МагъчIваялъе рес

Рималъул Папа вищиялъул кIиабилеб къо


Ватикан
Ватиканалда 115 католикияв кардиналасда жеги бажарун гьечIо цIияв Рималъул Папа вищизе. Гьаркьал кьеялъул кIиабилеб тур букIараб арбагI къоялдаги Сикстинская капеллаялъул тIалдихъан бачIана чIегIераб кIкIуй. Гьелъул магIна ккола цониги кардиналасе щвечIин лъабабго бутIаги гьабун кIиго бутIаялдаса цIикIкIун гьаркьалин абураб. ГьедигIанасел гьаркьазул къадар къваригIунеб буго Папа вищизе ккани. Папа вищун вукIин лъала тIалдихъан хъахIаб кIкIуй бачIараб мехалда. Жакъа кардиналаз гьаркьал цоги нухалдаги кьезе руго. Конклав бакIарун букIана талат къоялда. Цевесев папа Бенедикт XVI-билес жиндирго хъулухъ тун букIана февралалъул ахиралда. Гьесие буго 85 сон ва гьев ккана 600 соналда жаниб тахидаса инкар гьабурав тIоцевесев понтифик.
XS
SM
MD
LG