Делиялда живго жинцаго чIван вуго 23 сон барай студенталъе жинсияб зулму гьабиялда гIайиб гIунтIизабулев щугоясул цояв. Полициялъ лъазабулеб буго Рам Сингх живго жинцаго гъанкъун ватанин жанив тIамурав камекалъув итни къоялъул радалин, амма гьесул адвокатаз ва гIагараз рикIкIунеб буго гьев чIван вугин. Рам Сингх вукIун вуго ясалъе жинсияб зулму жаниб гьабураб автобус бачунев чилъун. Щуявго гIайиб гIунтIизабулев мукIурлъулев вукIинчIо гьеб такъсиралъе. Гьезда цадахъ вукIарав анлъабилесул ишалъул хал гьабизе буго балагълъиялде рахинчIезул ишазул хал гьабулеб хасаб диванханаялъ, щайгурелъул такъсир гьабураб мехалда гьесие 18 сон букIинчIого. Мединституталда цIалулей ясалде тIадекIанцIи гьабун букIана 16 декабралда ва кIиго анкьидасан гьей хун йикIана азарханаялда. Гьеб такъсиралъ кIудияб ахIи-хIур багъаризабун букIана тIолабго Индиялдаго.