МагъчIваялъе рес

Фолклендазда унеб буго референдум


ГьатΙан ва итни къоязда Фолклендалъул чΙинкΙиллъабазул халкъ гΙахьаллъулеб буго референдумалда. Гьелъул аслияб суал хурхараб буго архипелагалъул статусалда.

Британиялъул къватΙисеб территориялъул статус мекъаблъун бихьулеб буго Аргентинаялда. Гьелъ чΙинкΙиллъаби рикΙкΙунел руго жиндирголъун ва гьезде абулеб буго Мальвинабиян. 30-ялдаса цΙикΙкΙун соналъ цебе гьезда сверун кΙиябго рахъалда гьоркьбоб конфликтцин багъарун букΙана. Доб мехалда аргентинаялъулал рагъулал чΙинкΙияллъиялдаса нахъе къотΙун рукΙана британиялъул къуватаз.

Прогнозазда рекъон, гьениб гΙумру гьабулезул аслияб къадаралъ гьаркьал кьезе бегьула гьел чΙинкΙиллъаби британиялъул рукΙиналъе. Гьелдаго цадахъ Аргентинаялъул президент Кристина Киршнерица лъазабун букΙана референдумалъул хΙассилазул кΙвар букΙине гьечΙин, чΙинкΙиллъазабазда хурхараб Аргентиналъул позиция хисизе гьечΙин.
XS
SM
MD
LG