МагъчIваялъе рес

Филиниде гьабураб тΙадекΙанцΙи рагьулеб бугин ккола


Большой театралъул балеталъул нухмалъулев Сергей Филиниде тΙадекΙанцΙи гьабиялъул щаклъи бугев лъабго чи жанив лъей тΙалаб гьабулеб буго Россиялъул цΙех-рехалъул идарабаз. Гьелъул хΙакъалъулъ лъазабулеб буго Жанисел ишазул министерлъиялъул вакилас.

Лъазабиязда рекъон, арбагΙ къоялда щаклъи букΙун ккурав лъабго чияс гΙаразаби хъван руго, жидеца гьединаб такъсир гьабиялъул хΙакъалъулъ. Гьел кколел рагΙула гьесде тΙаде кΙанцΙи гьаби гΙуцΙиялъул щаклъи бугев Большой театралъул солист Павел Дмитриченко, гьесул гьари тΙубазабиялъул щакъи бугев Юрий Заруцкий ва шофер Андрей Липатов.

17 январалда Москваялда жал щалали лъаларел гΙадамаз Филинил гьумералде чвалхана кислота. Россиялда чанго операция гьабун хадуб, гьев сах гьави халат бахъинабулеб буго Германиялда.
XS
SM
MD
LG