МагъчIваялъе рес

Пхеньяналде данде санкцияби хъачΙлъизаризе бегьула


Цолъарал миллатазул гΙуцΙиялъул ХΙинкъигьечΙолъиялъул Мажлисалда талат къоялда тΙоритΙизе руго Шималияб Кореялда хурхарал консультацияби. Лъазабиязда рекъон, Цолъарал штатаз бикьун буго Ι2 февралада ядериял хΙалбихьиял гьариялъе гΙоло Пхеньяналде данде тΙадеги цΙиял санкцияби гьариялъул резолюциялъул проект.

Лъабго анкьалъ тΙоритΙарал кΙалъа-басаязда хадуб Цолъарал штатаз Шималияб Кореялъул бищунго гΙагараб партнер Китаялъулгун рекъезабун буго резолюциялъул текст.

ХΙинкъигьечΙолъиялъул Мажлисалъул 15 гΙахьалаб рахъалъ тасдикъ гьабун буго Шималияб Корея какулеб ва гьелде данде гьарулел санкцияби къувалъизаруялде ахΙулеб лъазаби.

Цолъарал миллатазул гΙуцΙиялда Россиялъул вакиль Виталий Чуркинил рагΙабазда, Шималияб Кореялда хурхараб резолюция тасдикъ гьабизе бегьула марталда.
XS
SM
MD
LG