МагъчIваялъе рес

Людмила Алексеева – миграционияб патрулалде данде чIун йиго.


Москваялъул Хельсинкаялъул къукъаялъул бетIер Алексеева Людмилаца лъазабуна къануналде данде кколареб миграциялъухъ хал щал гьабулел къукъаби Россиялъул чIахIи-чIахIиял шагьаразда гIуцIиялде жий данде чIолей йигин.

Миграционияб патруль абулеб къукъа Москваялда гIуцIун бугоан Россиялъул Федералияб Миграционияб Хъулухъалъул жигаралдалъун. ГьабсагIат Россиялда вугин изну гьечIого гьниве къватIисел улкабаздаса вачIарав лъабго миллион чи.

Аслияб къагIидаялда гьел кколин Централияб Азиялъул гражданал, ян лъазабуна дагьалъ цебе рехсараб идараялъул бетIер Константин Ромодановскияс.

Гьесул рагIабазда рекъон гIаммаб къадаралда изну гьечIого Россиялда чIей гьабулеб бугин анцIго миллион чияс.
XS
SM
MD
LG