Испаниялъ инкар гьабун буго антифашист Петр Силаев Россиялъухъе кьезе. Россиялъул нухмалъиялъул гьесда буго 2010 соналъул августалда Химки шагьаралъул администрациялде тIадекIанцIи гьабиялъул щаклъи. Испаниялъул Миллияб диванаханаялъул документал кодоре щвараб «Ведомости» газетаялда хъвалеб буго диванханаялъ гIадахъ босун бугин оппозициониял гIуцIабазда вукIаралъухъ журналист Силаевасе ватIаналда политикияб тIадецуй гьабизе бегьи. 2006 соналда гьес гIуцIун букIана антифашистияб къукъа, гьесие гьединго хIинкъабиги кьолел рукIана.