МагъчIваялъе рес

Сириялъул оппозициялъулаз бахъун буго авиабаза


Сириялъул хΙаракатчагΙаз лъазабулеб буго, президент Башад Асадил режималде данде чΙараз бахъанила Алеппо провинциялда бугеб рагъулазул авиабазаян.

Инсанасул ихтиярал цΙунулезул рагΙабазда, Аль Джарра абураб база оппозициялъулаз жидерго контролалде гъоркье босун буго тунка-гΙусиязул чанго къоялда хадуб. Гьелда цебе лъазабиязда рекъон, оппозициялъулаз жидерго контролалде гъоркье бахъун буго Рака провинциялда Евфрат гΙоралда бугеб бищунго кΙудияб гидроэлектростанция.

Цолъарал миллатазул гΙуцΙиялъул хΙисабалда рекъон, сириялда конфликт байбихьун араб кΙигогΙанаб соналда жаниб хун вуго бищун дагь босун 60 азарго чи.
XS
SM
MD
LG