Тамби Джимукил махшел машгьурлулеб буго

16 сон барав черкесав Тамби Джимук пианист хIисабалда цIакъ хехго машгьурлъулев вуго. Живго гьавураб Сириялда 6-7 соналъул гIелалда гьев ругьунлъана аккордеон бачине. Добго мехалда гьев бергьана чанго батIияб конкурсалда. Сириялда гражданияб рагъ багъарун хадуб, гьесул хъизан лъутизе ккана Туркиялде. Гьенив 16 моцIида жаниб гьес босана пианистасул махшелги. Гьелда хадуб гьесул музыкантасул карьера дагьалъги хехлъана. Гьев гIахьаллъана халкъаздаздагьоркьосел пианистазул чанго конкурсалда, гьездаго гъорлъ Россиялдаги. Машгьурал музыкантаз гьесул махшелалъе кьуна кIудияб къимат. Гьеб бихьун Туркиялъул нухмалъиялъ гьесие гражданлъицин кьуна. Гьанже гьев цIализе жидехъего ахIун вуго Нью-Йоркалъул Long İsland абураб музыкалияб консерваториялъ.