ХIажи ХIасанов

ХIалтIуде - велосипедалдаги рекIун...

«ХIалтIуде велосипедалдаги рекIун» абураб тIолабго Россиялъул акция тIобитIизе буго 20 маялда. Тадбиралда гIахьаллъизе букIиналъул хIакъалъулъ лъазабуна гIемерисел регионаз. Москвагун цогидал чIахIиял шагьараз,  республикабазул тахшагьараз, областазул центраз.

"Агора": Нилъеда хадуб хал ккун буго...

«Россия хал гьабиялда гъоркь» абураб доклад бахъана итни къоялда  «Агора» абураб халкъаздагьоркьосеб инсанасул ихтиярал цIунулеб гIуцIиялъ. Гьелъул автораз анализ гьабулеб буго политикиял багьанабаздалъун 2007 соналдаса жакъаялде щвезегIан инсанасул ихтиярал цIунулезда ва жамгIиял хIаракатчагIазда хадуб хал кквеялъул хIужжабазул.

Хабзалал, кьалул майдан хIисабалда

Москваялъул «Хованский» абурал хабзалазда лъугьа-бахъаралда сверун ахIи-хIур халат бахъунеб буго. Лъазабиязда рекъон, Гьоркьохъеб Азиялъул улкабаздаса мигрантазул ва чачаназулгун дагъистаниязул къокъабазда гьоркьоб ккараб тунка-гIусиялъул хIасилалда хун вуго лъабго чи, къогоялдаса цIикIкIун лъукъарав вегизавун вуго госпиталазда. Инциденталда гIахьаллъун вуго кIинусго гIанав чи.

Прессаялъул эркенлъи - инсанасул эркенлъи

«ГIорхъаби лъаларел репортерал» абураб халкъаздагьоркьосеб хIукуматалъул гуреб гIуцIиялъ бахъана иргадулаб санайилаб «Прессаялъул эркенлъиялъул индекс» абураб доклад.  Гьелда къимат кьолеб буго I80 улкаялда информалатазул эркенлъиялъул даражаялъе.

Унго-унгоял бусурбабазе Европаялдаги буго бакI

Россиялда гьукъараб «Исламияб пачалихъ» гIадал террористиял гIуцIабаз ГIагараб Машрикъалдаги Европаялъул улкабаздаги гьарурал бидулал акциязда хадуб, европаялъулазул бербалагьи бусурбабазде ва жибго исламалде квешлъанин, гIемер бицунеб букIуна Россиялъул исламиял инфосурсатаз.

Дир гIагараб улка гIатIидаб буго, регионалги гьелъул гIемерал руго...

Федерациялъул Мажлисалъул бетIер Валентина Матвиенкоца рикIкIунеб буго, заман щун бугин федерациялъул субъектал кIодолъизаризе. Кин гьеб гьабизе бегьулеб ва щиб гьединаб галиялда нахъ букIине бегьулеб?

Гъалмагъиразулги букIуна жидерго багьа... миллиардазде щунцин

Ахирисеб заманалда Россиялда загьирлъана чанго кIудияб гъалмагъир. Гьезул  централиял фигурабилъун рахъана оппозициялъулал гурелги Россиялъул тIадегIанаб нухмалъиялъул чанго чиги, ай президент Путинил гIагарисеб сверухълъи, гьалмагълъи. Щай гьел хIужжаби загьирлъарал гьанже, щиб гьезда нахъ букIине бегьулеб ва кинаб бербалагьи бугеб гьеб киналдего Россиялъул гражданазул?

ЦIвабзазде нух "къокълъизабулеб" буго гIалимзабаз

12 апрелалда Нью-Йоркалда Россиялъул бизнесмен ва инвестор Юрий Мильнерицаги Британиялъул гIалимчи Стивен Хокингицаги загьир гьабуна Breakthrough Starshot абураб проект. Гьезда ракIалда буго Альфа Центавра абураб цIвабзазул системаялде спутникал ритIизе, гьенибе 40 триллион километр бугониги. Гьезул рагIабазда, ритIизесел мини-роботал гьенире щвезе кколел руго 20 сонидаса.

«Операция «Дрожь» яги инглис лъаларезул балагь

Информациялъул рагъул "фронт": гъалатIал такрарлъулел руго...

Къояз цере Дагъистаналда гьарурал тIадекIанцIияз тасдикъ гьабулеб бугин ккола, Россиялда гьукъараб «Исламияб пачалихъ» гIуцIиялъ Шималияб Кавказалъул рахъалъан экспертаз абухъе, нилъер регионалдаги кьалбал риччалел ругин абураб пикру.

"Бен-гурион": бидулъ белъун щвараб хIалбихьи

Брюсселалда, Мисралда ва цогидал бакIазда гьарурал ахирисел терактазда хадуб хасаб кIвар буссинабизе байбихьана аэропортазда хIинкъигьечIолъиялъул суалазде. ГIемерисел экспертазул пикруялда,  гьеб рахъалда бищунго лъикIаб хIалбихьи рагIула Изралалъул Бен-Гурион абураб аслияб аэропорталъул.

Брюсселалда ккана чанго кьвагьи

Завентем абураб Брюсселалъул аэропорталда талат къоялъ радал ккун буго кIиго кьвагьи.

Кьвагьизе бегьулеб минаялда тIад...

Россиялъ Сириялдаса нахъе рачана рагъулазул цо бутIа. Улкаялъул бутIруз лъазабуна, цере лъун рукIарал масъалаби тIуразарунин. ГIемерисел экспертаз абулеб буго, гьеб кколарин Россиялъе, гьелдаго гъорлъ Шималияб Кавказалъул регионалъе «Исламияб пачалихъ» гIадал баянго террористиял гIуцIабаздаса  хIинкъиял хутIичIин абурабин.  Киналха ругел гьел хIинкъиял?

Шималияб Кавказ "сахлъизабиялъе" дарабини ругоан...

«Шималияб Кавказалъул яргъид гIуцIаразул къокъаби ва Сирия» абураб доклад загьир гьабуна арбагI къоялда  Халкъаздагьоркьосеб кризисалъул къокъаялъ.

"ЦIодораб" оптимизмгун

Россиялъул президент Владимир Путинил буюриялда рекъон, хамиз къоялда  байбихьана Сириялдаса Россиялъул рагъул къуватал нахъе рачине.

ГIададагосел хIинкъиял яги щай Къадировас чалиялда тIил бахъулеб?

«Рамзан, унге мун нахъе!» Гьединаб ахIигун тIубараб акция тIобитIулеб букIана гьаб анкьалда интернет-гIатIилъиялда. Чачан республикаялда щибаб къойилго гIадин хъулухъчагIаз, жамгIиял ва диниял хIаракатчагIаз гьарулел рукIана лъазабиял, гьаруна  батIи-батIиял тадбирал. Живго Къадировасни абулеб буго, жиндир болжал рагIалде бахъанин, жив хIадурав вугин нахъе ине ва гьединал «тIалабал» загьир гьаричIого тани, лъикI букIинаанин. ​ Амма цо-цо экспертаз абулеб буго, жакъа чачаналъ загьирлъулеб багъа-бачари кколин политикияб кIигьумерлъиялъул спектаклин.

Ахирисев генсек, тIоцевесев президент…

CCCРалъул экс-президент Михаил Горбачевасе тIубана 85 сон. Гьесул фигураялда сверун Россиялъул жамгIияталда жаниб унел руго жигарал бахIсал. Цоязда гьев вихьулев вуго дунялалдаго бищунго кIудияб улка биххизабурав политик хIисабалда, цогидазда – гражданазда демократия кинаб букIунебали бихьизабурав улкаялъул бетIерлъун.

МиллатчагIазул гьобоялде лъин

Кинаб букIараб Москваялда Узбекистаналдаса чIужугIаданалъ жинцаго тIалаб гьабулеб лъимадул бетIер къотIиялде ва гьелъул хадусеб вахIшияб хьвада-чIвадиялде реакция?

Протесталъул ресал тагIинарулел руго

Журналистаз «гьалакаб принтерин» тIокIцIар жиндие кьураб Пачалихъияб Думаялъ щибаб къойилго гIадин  рахъулел руго протест гIатилъизе биччангIутиялда хурхарал къанунал. "Дальнобойщиказул" акциябазул координаторазул вакильзабаз рикIкIунеб буго рузман къоялда Пачалихъияб Думаялъ къабул гьабураб автопробегал демонстрациязда ва чадиразул мархьяил гIуцIи - пикетазда ращад гьарулеб къанунги кколин жидер багъа-башариялде данде гьабулеб иргадулаб галийин.

Шагьада битIи ДАГIШалъе гьа бай гуро

Постсоветияб Россиялда гIурусазул бусурбабазул умма бижи кканин гIуралъ машгьураб, жамгIияб пикруялде асар гьабулеб факторлъунин, рикIкIунеб буго диналъул цIех-реххчи Казаналдаса Раис Сулеймановас. ГIурус неофитазда, ай ислам босаразда хурхун гьес гьабураб цIех-реххалда, авторас рехсолел руго гьединал гIадамазе гьеб галиялъе багьаналъун чIарал хIужабиги.