Америкаялъул улка цIуниялъул министр Чак Гьейгел хIалтIудаса нахъе ун вуго. Гьедин лъазабулеб буго америкаялъул информаталаз администрациялдаса гIадамазда мугъчIвайги гьабулаго. Гьез гьединго лъазабулеб буго президент Барак Обама разилъун вугин Пентагоналъул бетIер нахъе иналдайин.
Цеве сенаторлъун вукIарав республиканияв Гьейгел улка цIуниялъул министрлъун тун вукIана 2013 соналъул авалалда.
Гьев хъулухъалдаса ин бухьинабулеб буго Америкаялъул сенаталде дагьал церегIан рукIарал рищияздаги, Афгъанистаналда рагъулаб компаниялдаги, Сириягун ГIиракъалда “Исламияб пачалихъ” абулеб экстремистияб къукъаялде данде гьарурал операциял гьесул оппонентаз какулел рукIиналдаги.