Эбола вирус щварал гIадамазул къадар цIикIкIун буго анцIазарго чиясдасаги. Хваразул къадар бахун буго 4992 чиясде. Гьедин лъазабулеб буго ТIолабго дунялалъул сахлъи цIуниялъул гIуцIиялъул докладалда.
Хваразул бищунго гIемераб къадар буго Сьерра-Леонеялда, Либериялда ва Гвинеялда.
Эболаялдаса иргадулаб хвел ккун буго Малиялда. Гьений хун йиго кIиго сон барай яс. Гьелъулгун контакт букIарав 40-ялдаса цIикIкIун чиясе лъазабун буго карантин.
ТIолабго дунялалъул сахлъи цIуниялъул гIуцIиялъ лъазабуна 2015 соналъул июнь-июналде гьабизе бугин эксперименталияб вакциянаялъул 200 азарго дозайин.
ВОЗалъул вакил Мари-Поль Кинил рагIабазда вакциналъул кIиго тайпа гьанжеялдего гьабун буго ва гьезул хIалбихьи гьабулеб буго гIадамазда клиникаялъул шартIазда.