22 октябралдаса байбихьун Россиялъ гьукъулеб буго жибго Украиналдаса яги гьенисаххун транзиталъ баччулеб бижулеб продукциялъул импорт.
Талат къоялда «Россельхознадзор» гIуцIиялъ лъазабуна, Россиялде битIулеб продукциялда хурхун Украиналъ гьанжеги кьечIин баянал документалин.
Гьеб идараялъул документазда рекъон, ахирисеб заманалда бихьулеб къагIидаялда цIикIкIун буго Украиналдаса бачIунеб букIине кколеб маркировка гьечIеб гIечалъул, гениялъул, помидоралъул, охцералъул ва коконалъул къадар.
«Россельхознадзоралъул» щаклъи буго Украиналъул рахъалъ Евроцолъиялъул продукциялъул реэкспорт гьабулеб букIине бегьиялда бан.