2600 гIанав чи хун вуго Украиналъул конфликталда апрелалъул бакьулъа байбихьун 27 августалде щвезегIан. Гьелъул хIакъалъулъ лъазабулеб буго Цолъарал миллатазул гIуцIиялъул докладалда. Экспертазул рагIабазда, кIиябго рахъалда гIайиб буго гIадатиял гIадамаз гIумру гьабун ругел бакIазда кьабиял щвезабиялъул. ГIадамал рикъиялъул, гьезие гIазаб кьеялъул аслияб гIайиб гьез гIунтIизабулеб буго сепаратистазда. Цолъарал миллатазул гIуцIиялъул инсанасул ихтиярал цIуниялда сверун тIадегIанай комиссар Нави Пиллэйица лъазабуна, «ургъунго гражданиял гIадамазде тIадекIанциял гьари кколин халкъазда гьоркьосел гуманитариял къанунал хвезариян ва гIадамал цIуниялъе гьанжеги гIемер хIалтIи гьабизе ккезе бугин».